Да владее и да украсува - Значењето на името Кузман

Името Кузман произлегува од името Козма. Оригиналната форма на името е Κοσμᾶς, а ова е име со грчко потекло. Значење на името e поврзано со именката κόσμος што значи - вселена, универзум и со глаголот κοσμέω, што значи - да наредува, да владее, да украсува, а е поврзано со поредок.

Името Козма обично се поврзува со светите бесребреници Козма и Дамјан. Треба да се напомене дека постојат три различни двојки Козма и Дамјан: првите живееле и пострадале (од завидливоста на својот учител) во Рим, во 284 година; вторите живееле и мирно се упокоиле во Азија, исто во III век по Христа; а третите Козма и Дамјан се Арапи, пострадани од гонителите на Христијаните, во Киликија на почетокот на IV век.

Кога Кузман слави именден? Бесребреници и чудотворци Козма и Дамјан Азиски и нивната мајка преподобна Теодотија (III) се празнува на 14 ноември (по нов стил).

Оние коишто го носат името Кузман се скромни, љубезни и талентирани. Тие се и многу упорни, но и тврдоглави луѓе. Најчесто добродушниот хумор го претвораат во сарказам, па се сфатени многу погрешно од оние околу нив.

Друштвени и многу емотивни, оние со името Кузман се меки во срцето, сакаат многу да се шегуваат со другите, но не прифаќаат кога потсмевот е насочен кон нив.

Дали вие познавате некој Кузман во животот? Доколку одговорот е потврден, означете го во коментар и посакајте му убави празнични денови.

(О)Милена | Црнобело