Животот во најсеверниот град во светот: 3 месеци е ноќ, има мечки, а да прошеташ куче е како експедиција (видео)

Една девојка која живе во Лонгјир, најсеверниот град во светот, споделува како изгледа шетањето куче во зима - период кога во градот владее поларната ноќ, и тоа речиси три месеци.

Лонгјир е најголемиот град во Свалбард – норвешка прекуморска територија, и е сместен на остров во архипелагот Свалбард.

Лонгјир е најсеверниот град во светот и од ноември, па сè до крајот на јануари овде има поларна ноќ, односно речиси три месеци жителите живеат во целосен мрак.

Овој период просечната температура е -14 степени Целзиусови, па само замислете каков предизвик е да го прошетате кучето во вакви услови.

Една девојка која живее во Лонгјир решила да му го покаже тоа на светот, па за таа цел објавила видео на TikTok.

Сесилија Бломдал живеела во Шведска, но се преселила во Лонгјир пред пет години, а на социјалните мрежи споделува детали од животот на вакво необично место.

Најпрво таа планирала да остане само неколку месеци, но толку многу се вљубила во градот, што решила да остане многу подолго.

Во видеото на TikTok, кое веќе има над милион лајкови, таа прво покажува каква опрема ѝ е потребна за секое излегување од дома, вклучувајќи го и шетањето на нејзините кучиња.

@sejsejlija

Svalbard lifeee #meanwhileinthenordics #northernnorway #tiktoknorge #tiktoknorway #fyp #foryou #viral #dogsoftiktok #norway #norge #svalbard

♬ original sound - Cecilia Blomdahl

Најпрво, Сесилија облекува термо хеланки и блуза, потоа дебели панталони и дебела јакна. На крај, девојката објаснува дека со секое излегување од дома мора да носи и пушка, бидејќи во областа има многу поларни мечки.

Бидејќи надвор е целосен мрак, нејзините кучиња носат ремче и елек што светат, за да може да ги гледа каде се. Сесилија нагласува дека го снимала видеото во 4 часот попладне.

Во видеото девојката споделува и дека живее околу 15-тина минути надвор од Лонгјир, во куќа во која нема вода, но „има струја и е многу удобна“, а до градот оди со автомобил.

Иако Лонгјир е најсеверниот град во светот, постојат многу постудени места од него - прочитајте и Периодов е -50°C: Животот во декември во Ојмјакон, најстуденото место на светот (фото+видео)

На следната страница фотки на Сесилија од животот во Лонгјир...