Секаде се прават грешки – Што не е во ред со овие новогодишни декорации?

Велат - кој работи, тој греши, па ќе мора да ги простиме грешките кои вирално се шират на социјалните мрежи околу украсувањето во градовите низ Македонија, но и во светот. 

Празничната сезона наближува и многу градови ширум светот почнаа со украсување. А, одвреме-навреме и во украсувањето се прават грешки кои можат да бидат причина да се насмееме.

Кога наближува празничната сезона, трговските центри се едни од најубаво украсените места. Ова важи и за еден трговски во САД, каде што навистина се потрудиле да ја доловат празнината атмосфера.

Внатре поставиле елки и слатки играчки кои свират на музички инструменти. Играчките ги поставиле на шарени столбови и големи коцки за играње, на кои веројатно би требало да пишува SANTA – англискиот збор за Дедо Мраз.

Но, дали намерно или сосем случајно, оние кои украсувале направиле смешен пропуст. Наместо зборот SANTA, на големите коцки е испишан зборот SATAN, или сатана.

Фотографијата од згрешената декорација беше објавена на Reddit.

Кај нас, пак, јавноста почна да се шегува на сметка на декорација во Битола.

На социјалните мрежи се појавија фотки од светлечка декорација со зборот „ЗДРАВЈЕ“, но беше забележана мала грешка.

Веројатно погрешно го испланирале местото за секоја буква посебно, па буквата „ј“ останала мала, и натписот гласеше ЗДРАВјЕ.

После лавината шеги и критики на социјалните мрежи, од општината се огласија, изјавувајќи дека ја поправиле грешката.

А, во Охрид, сите си ја чеституваат 22002211 година.

Спирова С. | Црнобело