26 години К-15: Гледајте ја првата епизода од легендарното шоу, која се емитува на социјалните мрежи (видео)

Пред точно 26 години, односно на 23 ноември 1994, се емитуваше првата епизода од популарното хумористично шоу К-15. Набрзо, речиси сите зборуваа за Миле Паника, Цацко Конопишки и Тошо Малерот, и со нетрпение го чекаа новиот скеч.

К-15 е дело на Бранко Огњановски, Васко Тодоров и Бубо Каров кои покрај тројцата препознатливи ликови, се појавуваа и во други улоги, како Ристо или Блажо, одлично отсликувајќи ги најсмешните стереотипи кои ги сретнувавме и уште ги сретнуваме секојдневно.

Поминаа скоро три децении откако почна емитувањето на легендарните К-15, но многу од нас ги прегледуваме старите скечови и денес. За оние кои уште уживаат во хуморот на К-15, Бранко Огњановски соопшти одлична вест на неговиот Facebook профил:

„На денешен ден пред 26 години се емитуваше првата епизода на К-15 на тогашната А1. По тој повод, денес во 19:30 на официјалниот YouTube канал и на нашиот Facebook ќе ја пуштиме првата епизода, интегрално, исто како што се емитуваше на 23.11.1994 година“.

Емитувањето на првата епизода на YouTube можете да го погледнете во продолжение:

Спирова С. | Црнобело