Зошто навечер на шипките од чадорите на плажа има поставено пластични шишиња?

Многу од малите, локални плажи, без разлика дали кај нас или во странство, навечер кога ги собираат чадорите за сонце, на металните постојки ставаат пластични шишиња. Зошто?

Не се за одбележување на територија или слично, како што многумина претпоставуваат.

Обично, пластичните шишиња стојат до наредното утро, додека повторно чадорите не бидат поставени.

Причината е многу поедноставна од очекуваното.

Навечер, има многу луѓе и туристи кои своеволно одат и седат на празните плажи, но за да ги заштитат од било каков ризик или незгода кога е темно, сопствениците на плажата смислиле вакво евтино, а сепак ефективно решение.

Постојките во облик на метални шипки може да бидат сериозно опасни доколку не ги видите во темница, а одблесокот од пластичните шишиња сигурно полесно ќе го видите.

М. Д. | Црнобело