Вистински пријател: сошил матурски фустан за партнерката која немала доволно пари (фото)

Многу девојчиња имаат желба да изгледаат како вистински принцези на нивната матурска вечер. 

Долг фустан во стилот на Пепелашка, светки и уште илјадници други барања кои на крајот ќе чинат една плата.

Ваков бил случајот и со овие двајца најдобри пријатели. Паркер Смит е вистински пријател кој за почеток, одвоил време да оди во потрага по идеален фустан за неговата пријателка и партнерка Адриана Раст.

Да, го пронашле она што таа имала замислено, но им се свртело во глава од цената. Таа на шега му рекла на Паркер тој да ѝ го изработи фустанот, на што и двајцата слатко се смееле.

Но, Паркер, како вистински пријател, си ја сфатил оваа задача сериозно и се фатил за работа. Тој сакал неговата пријателка навистина да се чувствува како вистинска Пепелашка на матурската вечер.

Паркер направил скица на фустанот и почнал да учи како се шие.

Неговата баба му била најголема помош, но тој признава дека одредени делови од фустанот ги прекројувале неколкупати за да бидат сигурни дека изгледа совршено.

„Јас сум перфекционист, додавав повеќе „камчиња“ дури и вечерта пред настанот“ – изјавил Паркер.

Тој е навистина горд што неговото прво сошиено парче ја воодушевило неговата пријателка.

Би било супер кога сите би имале вака добродушни пријатели, нели?

Е. П. | Црнобело