Како да го одберете најбрзиот ред на каса во супермаркет?

Откако ја наполнивте количката, следува последниот проблем во супермаркетот – како да не потрошите половина час чекајќи да стигнете на ред за плаќање?

Како да пресметате на која каса редот ќе се движи најбргу?

Имаме неколку трикови кои можеби ќе ви помогнат. Испробајте, ништо не губите.

Застанете зад човекот со полна количка

Иако тоа на прв поглед ни се чини како лош избор, сепак целото поздравување, плаќање, ставање на намирниците во кеса е побрзо ако пред вас имате една или две полни колички, отколку 4-5 лица со по 2-3 производи.

Пресметано е дека купувачот со 100 намирници во количката просечно троши 6 минути, додека четири купувачи со по 20 намирници во просек трошат 7 минути во редот.

Редовите на касите од лева страна се движат побрзо

Тоа е затоа што повеќето луѓе се деснаци.

Проверувајте што имаат купувачите пред вас во количката

Артиклите во цврсти пакувања не земаат многу време за скенирање, додека тоа може да потрае кај производите во пластични кеси, бидејќи баркодот се внесува рачно.

Проучете ги и луѓето

Обично, на повозрасните луѓе им треба повеќе време за да ги извадат парите, да платат и да ги спакуваат производите.

М. Д. | Црнобело