6 скулптури ширум светот кои кријат трогателни приказни

Секое уметничко дело си има своја приказна и крие некоја порака.

Преку своите дела, уметниците ги изразуваат нивните чувства, се обидуваат да ни раскажат некоја приказна, а понекогаш ги посветуваат нивните слики у скулптури на некоја личност или настан.

А неретко, приказната што се крие зад уметничките дела е навистина трогателна.

Постојат многу скулптури чија приказна е тажна, а симболиката на следниве сигурно ќе ви ги насолзи очите:

Нело и Патраш

Пред Богородичната катедрала во Антверпен, Белгија се наоѓа скулптура од момче кое спие со своето куче под „прекривка“ од камења.

На прв поглед, скулптурата изгледа навистина слатко, но приказната што ја крие е далеку од убава.

Момчето претставено со скулптурата е Нело, а тој и неговото куче Патраш се главните јунаци во приказна од 19-тиот век.

Според приказната, животот на Нело бил навистина тежок. Детето се борело со сиромаштија и глад, а на крајот и умрело. Малото момче смрзнало од студ и починало додека го прегрнувало неговиот најдобар пријател - кучето Патраш.

Пиштол со јазол

Пред седиштето на Обединетите Нации во Њујорк, се наоѓа скулптура од револвер чија цевка е заврзана во јазол.

Скулптурата е позната под името „Ненасилство“ и е дело на уметникот Карл Фредерик Рутерсвард.

Ова бронзено уметничко дело е направено во чест на пејачот и пријател на Карл, Џон Ленон, кој беше убиен од обожавател пред неговиот дом.

Љубов

Burning Man e фестивал на која секоја година се изложуваат стотици уметнички инсталации. Но, една од најдобрите е делото на украинскиот скулптор Александар Милов.

Скулптурата прикажува двајца возрасни свртени со грб, додека нивните „внатрешни деца“ се држат за рака.

Ова уметничко дело може да се толкува на неколку начини. Некои сметаат дека возрасните претставуваат разведени родители, а децата се еден вид жртви од разводот.

Некои, пак, веруваат дека скулптурата претставува двајца вљубени, чие его не им дозволува да ги решат проблемите помеѓу нив.

Постои верување и дека скулптурата прикажува возрасни луѓе кои го изгубиле своето детство.

Чевли на брегот на Дунав

За време на Втората светска војна, Евреите биле терани да застанат покрај реката, за потоа да бидат застрелани.

Во чест на страдањето на овие луѓе, на брегот на Дунав има скулптура што ги претставува чевлите на 3.500 Евреи убиени покрај реката.

Скулптурата се наоѓа во Будимпешта во Унгарија.

Хачико

Во Токио можете да ја видите големата статуа направена во чест на кучето Хачико.

За многумина, ова е само обична скулптура од куче, но оние кои ја знаат приказната се свесни за нејзиното значење.

Хачико е куче што го чувал универзитетскиот професор Уено. Кучето секој ден го чекало својот господар да се врати од работа, дури и после неговата смрт. Всушност, цели 9 години, Хачико чекал на автобуската постојка со надеж дека ќе се врати неговиот сопственик.

По смртта, Хачико бил погребан до гробот на Уено.

Маж и жена

Оваа скулптура раскажува тажна приказна за двајца љубовници.

Али и Нино биле вљубени еден во друг, но не можеле да бидат заедно поради различната вера на нивните семејства. Нивната приказна е овековечена со скулптурата која е дело на Тамара Квеситаџе и се наоѓа во Грузија.

Секој ден во 19 часот, статуите на мажот и жената се движат една кон друга, сè додека не изгледа како да ќе се бакнат, а потоа тажно се разделуваат.

Спирова С. | Црнобело