Првото убиство во историјата е старо неверојатни 430 илјади години

Черепот на еден маж, стар 430.000 години, открива дека истиот починал од два удари во главата, а потоа бил фрлен во коскената пештера.

Археолозите го откриле она за што веруваат дека било прво убиство во светот, старо неверојатни 430 илјади години. Овој череп, откриен во Шпанија, се смета за прв докажан случај на убиство во историјата.

Човекот бил убиен со вкупно два тешки удари во главата, поточно во пределот над левото око.

Археолошкото место Sima de los Huesos, во северна Шпанија, се наоѓа во областа на подземниот пештерски систем, а содржи остатоци од скелети на најмалку 28 различни лица. Таму се откриени и 52 фрагменти со што е собран цел череп, а она што е откриено е доста неверојатно.

Смртта не била случајна, имено, научниците забележале докази за две јасни фрактури на предниот дел на черепот, кои јасно укажуваат дека ударите биле намерни.

Потпирајќи се врз модерните форензички технологии, истражувачите докажале дека и двете фрактури се резултат на повторени удари со исто оружје.

Единствениот начин за пристап до местото на ископување е преку вертикален отвор длабок 13 метри, а како човечките остатоци се нашле таму е вистинска мистерија.

Овие фрактури се толкуваат како прв докажан чин на насилство, односно прв случај на убиство во историјата. Коскената пештера е едно од најбогатите места на фосилни праисториски остатоци во Европа.

Во 2013 година, научниците ја извлекле најстарата човечка ДНК, користејќи ја фосилизираната коска на човечката нога. Неговата ДНК секвенца покажува дека тој бил поврзан со уште еден вид на луѓе што живееле во Сибир пред околу 700 илјади години.

Ашера | Црнобело