Колку всушност чини да го живеете совршениот Instagram живот?
Доколку знаете колкаво е влијанието на Instagram врз вашето ментално здравје, тогаш сигурно сте запознати со митот за совршенство кој е распространет на социјалната мрежа.
Сите знаеме дека оваа платформа е далеку од реалноста. Секојдневно гледаме совршено подготвени оброци, плажи кои предизвикуваат завист и бројни други работи кои изгледаат беспрекорно.
Не е тајна дека понекогаш сите чувствуваме доза љубомора кога ги гледаме овие фотографии, но дали сте помислиле колку всушност чини тој начин на живеење?
https://www.instagram.com/p/B17EGtJFy8f/?utm_source=ig_embed
Истото прашање си го поставиле и од веб-сајтот Nutmeg, па решиле да ја пресметаат цената на совршениот Instagram живот. Резултатите покажале дека е многу повисока отколку што мислите.
За истражувањето биле анализирани 50 објави со некои од најпопуларните хаштагови, како #gym или #oot. Се покажало дека корисниците најверојатно трошат и до 2.800 евра месечно за предмети и активности инспирирани од социјалната мрежа.
Просечната објава со хаштагот #brunch чинела околу 35 евра, додека оние со #homeinspo биле најскапи и предметите на секоја објава во просек чинеле околу 1.250 евра. Објавите тагирани со #gym во просек чинеле по 300 евра.
https://www.instagram.com/p/B1_zYp8FRr7/
Иако е навистина лесно по цел ден да листате низ објавите и да ги посакувате нештата што ги гледате, важно е да запомнете дека сè си има своја цена. Нема ништо погрешно во тоа да црпите инспирација од Instagram.
Всушност, познато е дека инфлуенсерите дури и заработуваат од тоа. Но доколку не живеете на тој начин, нема потреба да трошите премногу пари за да изгледате добро онлајн.
Спирова С. | Црнобело
Би можело да ве интересира:
Препорачуваме
Најчитани неделава
