6 необични знаци што покажуваат дека живеете среќен и исполнет живот

Дали постојано посакувате животот да ви биде поразличен? Дали можеби не сте задоволни од она што ви се случува сега? Aко добро размислите, ќе сфатите дека всушност ви оди многу подобро отколку што мислите.

Следниве знаци можеби ви изгледаат непријатно, но токму тие покажуваат дека сепак имате среќен и исполнет живот.

Поголемиот дел од времето сте сами

Најмногу можете да работите на себе кога сте сами. Дури кога ќе научите да уживате во вашето друштво ќе можете вистински да се поврзете со себе и со вашите желби.

Доколку повеќе не ви е страв дека ќе испуштите нешто и повеќе сакате да си го посветувате времето себеси, тоа е знак дека се чувствувате исполнето.

Се откажавте од 5-годишниот план

Кога сакате да направите нешто добро, од една страна е добро да имате план. Но доколку го направите планот премногу специфичен, тој само ќе ве закочи.

На тој начин нема да бидете отворени за сите можности што ќе ви се пружат, само затоа што ќе сакате да го одржите ветувањето што сте си го дале во минатото.

Добро е отприлика да знаете што сакате да правите, но нема потреба да правите детален план. Секако не можете да ја предвидите иднината и не можете да знаете што ќе се случи утре.

Ја прифативте промената

Можеби е тажно што сè се менува, но токму овие промени можат да ви дадат надеж. Штом ќе го прифатите фактот дека нештата постојано се менуваат, вашиот живот ќе биде многу поисполнет.

Сте надраснале многу луѓе и нешта што сте ги сакале

Како што се менуваат нештата, ќе се менувате и вие, па она што сте го сакале минатата година, не значи дека го сакате и сега. Ќе сфатите дека повеќе не сте истата личност како во минатото и сте успеале да се прилагодите на вашето опкружување.

Благодарни сте за тешкотиите од минатото

Вистински сте преболеле нешто кога можете да помислите на тоа и да почувствувате благодарност. Со секоја ваша грешка, секој ваш неуспех и секој проблем вие сте научиле нешто ново и сте станале помудри.

Сега ова ви е јасно и благодарни сте за сите проблеми што ви застанале на патот.

Одбирате повнимателно

Повеќе не ги трошите вашите време и енергија на што било. Знаете дека овие одлуки ве оформуваат како личност, па внимателно размислувате пред да ги донесете.

Внимателно одбирате што ќе правите, со кого ќе се дружите и од кого ќе побарате помош. Овој живот е само ваш и свесни сте дека само вие одлучувате за себе.

Спирова С. | Црнобело