7 фотографи кои вреди да ги следите на Инстаграм
Инстаграм е можеби најдобрата платформа за споделување на вашите креативни дела, а ова им е добро познато на фотографите ширум светот.
Профилот на оваа социјална мрежа може да биде целосна изложба која е постојано отворена, а доколку имате добри фотографии, лесно ќе привлечете внимание.
Помеѓу бројните фотографи на Инстаграм, некои навистина се истакнуваат, а следниве 7 заслужуваат да ги заследите.
@stevemccurryofficial
Прв на листата е еден од најпознатите и најважните фото новинари. На неговиот профил ќе најдете фотографии од многу држави, култури и ери, а неговата умешност со фотоапаратот е неверојатна.
Стив е познат по живоста на неговите фотографии, винтиџ стилот и композицијата.
https://www.instagram.com/p/BzsmzcXn9ij/?utm_source=ig_embed
@creationsofla
Ла живee и работи во Дубаи, а покрај фотографијата, се занимава и со визуелна уметност. На неговиот профил има многу соработки со познати брендови и музичари.
Овој фотографи ги крши правилата на традиционалната фотографија, а благодарение на неговите креативни идеи, нуди ремек-дела многу поразлични од она на коешто сте навикнати.
https://www.instagram.com/p/BhzPr6YFegX/?utm_source=ig_embed
@misshattan
Поранешната економистка стана едно од најголемите имиња на фотографската сцена во Њујорк. Најпозната е по уличната фотографија со што ги доловува сите настани во градот кој никогаш не спие.
@sammooresphoto
Можеби не сакате автомобили, но фотографиите на Сем нема да ве остават рамнодушни. Покрај фотографирањето, Сем е тркач, но и блогер. Неговите дела најдобро ќе ги опишете како спектакуларни фотографии од спектакуларни автомобили.
@shootwithrobert
Роберт едноставно знае како да ја фотографира природата. На неговиот профил ќе најдете бројни пејсажи кои вклучуваат водопади, шуми и реки. Живите бои и деталите на неговите фотографии будат посебни емоции.
@rachelhau
Рејчел прави улични фотографии, но со мал пресврт. Силните контрасти и внимателната употреба на острината ги прават нејзините фотографии препознатливи. Доколку сакате и вие да почнете со улична фотографија, ова е профилот што треба да го заследите.
https://www.instagram.com/p/BPLXMTgDBXi/?utm_source=ig_embed
@paulzizkaphoto
Доколку ја сакате поларната светлина, ова е фотографот за вас. Снег, мраз и ѕвездено небо се само некои од деталите на кои Пол им обрнува внимание. Покрај тоа, тој е повеќе пати наградуван за пејсажи и авантуристички фотографии.
Спирова С. | Црнобело
Би можело да ве интересира:
Препорачуваме
Најчитани неделава
