Дали го знаете вистинското значење на овие симболи?

Симболите со своето магиско значење и изглед ги опфаќаат религиозните, националните и културните концепти. Можат да бидат ембивалентни и со времето да го променат своето првично значење. 

Така еден позитивен симбол, во зависност од историскиот и временскиот контекст, може да стане негативен. Колку, всушност, знаете за некои од најистакнатите и најпрепознатливите симболи и кое е нивното вистинско значење?

Пехар со змија

Пехарот со змијата ѝ припаѓал на грчката божица според чие име подоцна настанал зборот хигиена. Змијата истовремено ја симболизира смртта и бесмртноста, бидејќи отровот може да убие, но и да излекува.

Во средниот век се користел како симбол за аптеки.

Ороборос

Најраните приказни за овој симбол датираат од 4200 п.н.е. Се смета за најважен религиски, магиски, алхемиски, митолошки и психолошки симбол.

Ороборосот го прикажува кружниот циклус на животот и смртта. Може да претставува и нешто што нема ниту почеток, ниту крај, како и конфликт на доброто и злото.

Давидова ѕвезда

Овој симбол бил популарен од 3000 година п.н.е., а во Индија ја претставувал чакрата поврзана со срцето, каде што се преклопени машкиот и женскиот концепт.

Во 1354 година Карл IV им дозволил на Евреите да го изберат симболот за нивното знаме, а тие ја избрале оваа ѕвезда.

Јин Јанг

Во Кина и Јапонија, како и за сите будисти, Јин Јанг е најважниот симбол. Јин ја претставува темната страна, а Јанг светлата.

И двете страни се во постојана интеракција и контраст. Меѓутоа, секој во себе содржи дел од другиот, затоа се еднакви и различни во исто време.

Тркало

Симболот потекнува од Азија, Средниот Исток и Египет. Го претставува сонцето и го симболизира кружниот тек на животниот циклус.

Подоцна станува „тркалото на среќата“, кое може да донесе нешто добро и нешто лошо во своето непредвидливо движење.

Ружата на ветерот

Симболот датира од времето пред Христос. Се работи за ѕвезда водич, поради што била талисман за сите морнари. На мапата ги претставува страните на светот.

Свастика

Првично во Азија и Индија ја претставувал среќата, креацијата и богатството. Подоцна ги симболизирал четирите букви Л (Light, Love, Life, Luck), светлина, љубов, живот и среќа. Подоцна со нацистите ја добива негативната конотација.

Пентаграм

Првично бил симбол за борба против злите сили, а често се ставал пред вратите, за злото да не може да влезе. Подоцна го симболизирал Христос, а денес се смета за симбол на сатаната (во превртена комбинација).

Ашера | Црнобело