Луксузен велосипед место кола

Американскиот луксузен бренд Chrome Hearts во соработка со престижниот производител на велосипеди Cervelo,  го изработија најскапиот велосипед на светот.

 

Едноставно наречен - Chrome Hearts x Cervelo Bike, велосипедот е лимитирано издание. Со оглед на тоа што Chrome Hearts се занимава со производство на луксузен сребрен накит, потписот на нивните дизајнери и тоа како е видлив на несекојдневниот велосипед.

Изработен е од вистинска кожа, благородни метали и синтетички дијаманти. Иако обичниот Cervelo велосипед чини $6.000 американски долари овој модел е 10 пати поскап. Да, добро прочитавте. Цената на овој примерок е $60.000 американски долари.

Изгледа дека направиле добро истражување на пазарот па добиле информација дека има доволно екстравагантни и богати луѓе кои истовремено се и љубители на велосипедизмот.