Разочарувачки лаги за простувањето кои спречуваат да закрепнете

Многумина од нас се учени дека со простувањето си помагаме себе и покажуваме дека сме зрела и возрасна личност. Всушност, тоа дополнително може да предизвика горчина во душата на оној кој простува.

Простувањето како концепт не е лесно да се научи, прифати и примени. Некои тоа го учат цел живот.

Но, единствено сигурно простување кое треба да го научите е простувањето на себе.

Ова се неколку најчести лаги и клишеа на кои нè учат уште од најмлада возраст, а од кои секој треба да се ослободи:

Со простувањето му правиш услуга на оној кој те повредил

Сосема е погрешно простувањето да се поистоветува со услуга. Тоа што некој згрешил и се извинил не ја намалува штетата, па нема ни зошто да му се прави услуга. Затоа, на тоа треба да гледате на малку поинаков начин.

Простувањето е за другата личност

Ако сте решиле да простите, тогаш другата личност е најмалку важна во целиот тој процес. За навистина да ви олесни, треба целосно да прифатите дека тоа го правите за себе, дури и ако вашето срце бавно се помирува со тоа.

Простувањето значи дека сте добра личност

Простувањето никого нема да направи да биде подобар од тоа што е, ниту пак личноста на која сте ѝ простиле е ваш заложник поради тоа.

Простувањето ви дава за право да ѝ судите на личноста на која ѝ простивте

Одлуката некому да простите е навистина голем чекор и сигурно ви одземала многу време и размислување за да сфатите дали сето тоа вреди. Но, доколку сте решиле да простите, не смеете тоа да го влечете „низ нос“ на другиот.

Морате да ја разберете грешката пред да простите

Ништо не морате да правите. Не е потребно да ги анализирате мотивите, ниту скриените намери. Ако веќе простувате, треба да бидете сигурни дека тоа веќе нема да се повтори.

Ако простите, значи дека останувате со таа личност

Сосема е во ред да останете, но исто така е и во ред ако сакате да заминете. Простувањето ве ослободува, не ве обврзува. Подеднакво е нормално и да продолжите со таа личност во вашиот живот или целосно да ја „блокирате“.

Е. Д. | Црнобело