7 уникатни есенски фестивали низ светот

Во многу земји есента е период кога се организираат прекрасни и интересни фестивали на кои се слават најразлични нешта.

Па така, наместо да размислувате дали да пиете кафе со зачини за печена тиква или да фотографирате чај во есенски лисја, испланирајте патување.

Дивали

Ако во октомври или ноември се најдете на територија на јужна и југоисточна Азија, не пропуштајте да присуствувате на фестивалот по повод празникот Дивали.

Дивали е хинду празник кој ја слави светлината над темнината, семејствата изработуваат ранголи (нешто слично на мандала) за да ја повикаат божицата на просперитетот Лакшми, танцуваат, а се јадат и големи количини слатки.

Овој празник се слави и во земјите каде има индиски малцинства и заедници.

Бегнет фестивал

Овој фестивал го има само во Њу Орлеанс и е посветен на почитта кон слатките бегнет, кои се прават од пржено тесто, слично како крофните. Оваа година се одржува на 6-ти октомври во градскиот парк во Њу Орлеанс.

Средствата кои ќе бидат собрани од продажбата на слатките се наменети за децата со задоцен развој и други физички и ментални недостатоци.

Чусеок

Ова е тридневен фестивал што се одржува во Јужна Кореја, за време на полната месечина во септември или октомври. Луѓето на овој ден го слават животот на своите предци, со тоа што споделуваат (многу) храна со своите пријатели и со семејството, а сето тоа проследено со музика и традиционални танци.

Ноќта на Гај Фоукс

Гај Фоукс е човекот кој требало да го запали Домот на лордовите во Лондон и да го убие кралот Џејмс Први, во 1605 година. Во негова чест, иако негативец, Британците го организираат овој фестивал со тоа што се палат контролирани огнови, како симбол на тоа што би било ако Гај Фоукс не бил спречен во намерата.

Фестивал на средина на есента

Оваа година на 24 септември беше прославен овој фестивал, најмногу во Кина, Тајван, Виетнам и нив сосесдните држави. Најчесто се организира за време на полна месечина.

Декорациите се слични како и за кинеската Нова година, а месечината е симбол на заедништво и просперитет. Тогаш се јадат и месечевите колачиња, кои се округли и традиционално полнети со паста од семки од лотос, или пак сладолед во помодерните верзии.

Октоберфест

Ова е најголемиот фестивал на пивото на територија на Европа. Традиционално се одржува во Минхен и е период кога милиони туристи од целиот свет доаѓаат да ја почувствуваат уникатната атмосфера и несекојдневната забава на германски начин.

Денот на мртвите

Ова е есенска традиција која се случува на почетокот на ноември и се слави во Мексико. На првиот ден од ноември семејствата се сеќаваат на починатите деца, а вториот ден на возрасните.

Со оваа прослава, тие им дозволуваат на нивните души да бидат заедно со нив во домовите. Се градат олтари, се служи храна, но и се танцува во чест на оние кои се живи.

Е. Д. | Црнобело