Три едноставни трикови за живот со помалку стрес

Постојано брзаме, доцниме, немаме време за дишење, а зборот стрес веќе ни е влезен во секојдневниот речник. Време е нешто да се промени.

Од стресот, за жал, не можеме да избегаме. Единствено што може да направиме е да го намалиме за да биде поподнослив и помалку да влијае врз нашата способност за работа и функционирање.

Следете ги овие совети, за да можете да успеете во тоа:

1. Посветете се само на една работа во моментот

Правете ги нештата едно по едно, концентрирани само на конкретната задача која ја имате. Дури и да сте врвен талент за мултитаск, избегнувајте да го применувате кога е работата во прашање.

2. Ослободете се од идеализирањето

Не си поставувајте големи цели, туку поделете го патот дотаму на повеќе етапи. Стравот од неуспехот е еден од најголемите причинители на стресот. Поради тоа, поефикасно е да си поставите неколку поблиски цели, наместо слепо да брзате кон нешто за кое го немате проценето ниту ризикот.

3. Прифаќајте ги другите со насмевка

Често однесувањето на другите може да не вознемири, особено ако сме имале поинакво мислење за нив. Наместо да се обидувате да се борите со нив, прифатете ги со насмевка. Така си олеснувате себе и живеете со помалку стрес предизвикан од луѓето околу вас.

Е. Д. | Црнобело