Трикови за надминување на неодлучноста

Стравот од грешките е една од најчестите причини за неодлучноста. Но, дури и одлучноста е нешто што може да се вежба и усовршува.

Неодлучноста не е секогаш лоша, бидејќи може да даде повеќе време да размислиме за последиците од некоја ситуација. Секое предомислување можеби е знак дека сте на пат на носење погрешна одлука.

Исто така, лошо е што не секогаш имаме време за чекање да се решиме за нешто и тоа може да не чини губење на шанса.

Вистината е дека секој умее да ја донесе најдобрата одлука за себе, но не секогаш тој пат е лесен.

Следете ги следниве пет чекори и голема е веројатноста дека веќе следниот пат полесно ќе ја донесете подобрата одлука.

1. Заборавете на стравот

Неодлучноста често е проследена со страв. Треба да откриете што е тоа што не ви дава мир и да сфатите дали може да биде надминато. Тргнете го стравот настрана и со ладна глава размислете на можните исходи.

2. Освестете се за своите чувства

Кога треба да се донесе одлука, луѓето најчесто многу анализираат и се обидуваат да ги направат логичните нешта. Но, понекогаш треба да го послушате и она што доаѓа однатре, што ви го кажуваат срцето и потсвеста.

3. Вежбајте со мали одлуки

За што било да совладате, потребно е вежбање. Применете го тоа при носењето мали и навидум банални одлуки. Поставете си време за кое треба да ги носите одлуките и почитувајте го. Веќе по кратко време несвесно ќе станете поодлучни и за клучните работи во животот.

4. Запрашајте се дали тоа ќе биде важно и во иднината

Можеби за блиската иднина вашата одлука е клучна, но запрашајте се дали ќе биде релевантна и по 10 години. Но, не треба да ве обесхрабрува ниту тој одговор, бидејќи времето ќе покаже дали нешто треба да смените или да се држите до планот. Важно е само да бидете свесни за предностите и ризиците на вашата одлука.

5. Научете да си верувате себе

Бидете свесни за сите свои квалитети и употребете ги кога треба да одлучите. Ако сте талентирани за пишување, напишете ги можните исходи. Вашите квалитети можат да ви помогнат во постигнување на она што сте го замислиле.

Е. Д. | Црнобело