Лекции за водење балансиран живот на кои може да нè научат Јапонците

Јапонците се вреден и културен народ кој секогаш остава впечаток каде и да се појави, а последно беше на Светското првенство во Русија, кога по натпреварот останаа да ги чистат трибините.

Покрај тоа, тие имаат многу интересни животни принципи заради кои водат балансиран и среќен живот.

Јапонците се едноставни и практични, а може да ве научат на многу животни лекции кои ќе ви бидат од корист за во иднина.

Во продолжение погледнете неколку принципи кои треба да ги практикувате за да си го подобрите животот:

Следете ги правилата

Јапонците го следат редот секогаш и секаде. Никогаш нема да ги видите да се туркаат еден во друг во продавници или транспорт. Дури и ако на станиците за превоз има стотици луѓе, повторно нема да забележите хаос, туку колона од луѓе кои културно чекаат и си го почитуваат личниот простор.

Одржувајте ја планетата чиста

Јапонците имаат одличен систем за отпад, кој почнува од селектирање на отпадот дома, а може да се каже дека во некои делови од земјата тоа не е воопшто едноставно и има многу правила.

Плус, освен дома, тие се грижат за отпадот и во околината, па така на Светското ги чистеа трибините, а често може да се забележат како се собираат во друштво и го собираат отпадот од населбите.

Барајте ред и хармонија во сè

Јапонците бараат хармонија буквално секаде – од комуникација до организирање на предмети.

Тие веруваат дека хармонијата во предметите и организацијата на просторот, носи хармонија во умот и душата на човекот.

Токму затоа, на оваа фотографија, жените темелно го проверуваат редот на шолјите кои треба да се во иста линија.

Забавувајте се како никој да не гледа

Во Јапонија забавувањето е исто толку важно како напорната работа. Караокето е еден од најдобрите начини да се ослободите од стресот по долг работен ден, но може да правите што сакате и како сакате, само доколку вас ве прави среќни.

Бидете културни

Јапонската култура се базира на љубезност и културно однесување, а има безброј начини да бидете такви – од манири на маса и гестикулации до користење одредени зборови кога разговарате со други.

Концептот за културно однесување се поврзува со почит, посебно кон повозрасни лица, наставници, шефови, гости и клиенти.

Продолжува на следната страна...