Психолошки трикови кои ќе ви помогнат да трошите помалку пари на шопинг

Не сте ни први ни последни доколку се пронајдете во групата на луѓе кои трошат повеќе од замисленото кога одат на шопинг.

Кај многумина на тоа влијаат различни фактори, како природата на човекот, самоконтролата, но и маркетиншките трикови.

Сепак, според психолозите, постојат начини на кои може да го „прелажете“ умот и да спречите да трошите дополнително и непотребно.

Со неколку совети, помалку ќе „паѓате“ на маркетиншки трикови и ќе потрошите помалку од вообичаено.

Трикови кои ќе ви помогнат во тоа:

Сезонските декорации се замка – посебно кога во излозите преовладуваат црвена и зелена боја која ве стимулира да трошите.

Кога одите на шопинг носете високи потпетици – така побрзо ќе се изморите и ќе го барате само неопходното.

Користете нови банкноти – многу луѓе сакаат да си ги задржат за себе новите банкноти, а повеќе се склони кон трошење на старите.

Направете разумна пауза – откако ќе најдете нешто што ви се допаѓа, тргнете се настрана и размислете.

Дали ви треба, за што ви треба, со што ќе платите, каде ќе го ставите, а откако ќе одговорите на ова, ќе сфатите дали треба да се вратите да купите или не.

Лимитирајте го бројот на продавници во кои ќе влезете – не практикувајте непланирано шетање, бидејќи во колку повеќе продавници влезете, толку повеќе ќе потрошите.

Одлучете однапред што ви е потребно и во кои продавници може да го најдете истото, па влезете само таму, за да не најдете дополнителни „неопходни“ работи.

Не се спријателувајте со продавачите – колку повеќе комуницирате со нив, толку полесно ќе ве натераат да купите нешто и потешко ќе ви биде да си отидете со празни раце по толку „муабетење“.

Оставете ги картичките дома – однапред одлучете колку пари сте подготвени да потрошите за неопходното, земете кеш и оставете ги картичките дома за да не може да купувате до бесконечност непотребни работи.

М. М. | Црнобело