Едноставни техники кои ќе ви помогнат побрзо да ги постигнете вашите цели

За да се постигнат замислените цели, секако дека е потребна силна желба за да може да успеете.

Во спротивно, доколку желбата не е толку голема, нема ништо да ве мотивира и брзо ќе се откажете на пола пат.

Па, за да не се случува тоа, покрај волјата, постојат и други фактори кои треба да се исполнат, односно методи кои ќе ви помогнат да ги постигнете целите.

Ефективни начини кои ќе придонесат за постигнување успех:

Метод 90/90/1

Суштината на овој метод е да се „спасите“ од потешкотии и комплицирани предизвици.

Важно е да одберете една работа која ви е приоритет и сакате да ја постигнете и да ја правите 90 дена, во првите 90 минути од секој ден.

Треба целосно да сте посветени само на тоа во тој момент, без ништо да ве попречува, а методот е ефективен бидејќи наутро мозокот уште не е изморен и сте полни со енергија.

Но, зависно од целта, доколку не ви одговараат 90 дена и 90 минути, може да промените со 60 дена и 60 минути и слично.

Франклин пирамида

Ова е веќе направен систем за планирање кој ќе ви помогне подобро да го изменаџирате времено и да постигнете цели.

Пирамидата се состои од 6 блока:

• Основата на пирамидата се главните вредности на животот – тие ги одредуваат плановите и  соништата.
• Општа цел – главната цел која човекот саката ја постигне во животот: да станете успешен бизнисмен, паметен учител, влијателен политичар и сл.
• План за постигнување на таа цел – базирано на вашата цел, мора да ги идентификувате главните чекори кои треба да ги направите за постигнување на целта.
• Долгорочни, годишни планови – тие претставуваат подетален план на работите што ќе ги правите во текот на 1, 3, 5 години.
• Краткорочен план – ова е план за една недела или еден месец. Колку е повнимателно промислен, толку повеќе ќе сакате да го анализирате и коригирате – работете на тоа и бидете ефективни.
• План на денот – последната точка во условите за постигнување на целите е исто така многу важна бидејќи секој ден треба да ви биде добро испланиран ако сакате да завршите сè што сте наумиле.

Наградувајте се

Овој метод посебно е добар за оние кои си поставиле цел која не може да се заврши за кратко време.

На пример, ако вашиот план е долгорочен, поделете го во 5 фази и по завршувањето на секоја од нив, наградете се со нешто што го сакате, дури и ако е ситница.

Имајте ритуали

На овој начин ќе бидете попродуктивни па затоа имајте некој ритуал пред да започнете со било што. На пример, пиење кафе, слушање музика, медитација, вежбање, прошетка со куче – што сакате за денот да ви почне подобро.

М. М. | Црнобело