Време е за неколку шотови текила - потврдено е дека ги зајакнува коските

Неколку шотови текила звучат како одлична идеја додека сте излезени, а сепак утредента се покажува како лоша одлука.

Но, еве ги добрите вести за сите мамурни луѓе: според тим на научници во Центарот за истражување и напредни студии во Мексико, текилата всушност го подобрува здравјето на коските и помага во лечење на остеопорозата.

Кој би рекол?

Агаве текилана или уште познато како сино агаве е растението од кое се прави текила. Според истражувањето, растението е клучот за подобрување на коскеното здравје кај луѓето.

Растението содржи супстанции кои ја подобруваат апсорпцијата на калциум и магнезиум, кои како што знаеме се особено важни за цврсти и здрави коски и спречување на остеопороза.

За да дојдат до овие резултати, истражувачите изложиле група машки глувчиња на остеопороза. Потоа им дале на глувците пробиотик агаве фруктан, дериват на растението агаве текилана, истата главна состојка која се наоѓа во текилата.

По само 8 недели истражувачите утврдиле дека на оние глувчиња на кои им биле давани полимерите од текилана коските им се задебелиле значително повеќе од оние кои не ги примале полимерите.

Тие исто така покажале 50% зголемување на протеинот остеокалцин кој е одговорен за создавањето нови коски.

Д-р Мерцедес Лопез кој го водел истражувањето заклучил дека внесувањето на фруктозата од агаве во комбинација со соодветни пробиотици го забрзува процесот на создавање нова коскена маса, дури и во присуство на остеопороза.

Затоа консумирајте одговорно и оставете простор за неколку шотови текила, бидејќи за здравјето се работи.

(О)Милена | Црнобело