Зошто Дизни хероините секогаш носат сина облека?

Доколку внимателно сте ги следеле Дизниевите класици, веројатно сте забележеле дека речиси и да не постои хероина која нема нешто сино на себе.

Пепелашка, Аурора, Ариел, Тијана, Мерида, Јасмин и Елса носат сини фустани. Мулан и Снежана имаат впечатливи сини елементи на нивните фустани, додека Бел и Ана имаат сини здолништа. Дури и ѓерданот на Покахонтас е син, а е фокусна точка на нејзиниот изглед.

Знаете ли зошто? Со облекување на женските протагонисти во сина боја, Дизни на мошне суптилен начин ги зајакнува нивните ликови, давајќи им дополнителна важност. Во психологијата, за сината боја се смета дека одразува смиреност, интелигенција, сигурност, доверба и суптилен авторитет.

„Светло сината боја содржи доза на префинетост. Бел е единствената која носи сино во нејзиното село. На тој начин се издвојува од другите, но и истакнува од своето опкружување“ – открива Жаклин Дуран, костимографката која ги осмисли костимите на Ема Вотсон за филмската адаптација на анимираниот филм „Убавицата и ѕверот“.

„Сината облека има активна моќ, практична е и со неа може да се прават многу нешта“ - додава костимографката.

• 
• 
• 
• 
• 
• 
• 
• 
• 
• 
• 
• 
•  

М. А. | Црнобело