10 работи кои може да ги направите за да уживате во зимата

Не секој ја обожава оваа студена сезона, но тоа не  значи дека уживањето е невозможно.

Постојат барем 10 ситници со кои може да си го разубавите ладниот зимски ден и да споделите радост.

1. Нацртајте си барем еден прозорец во домот со вештачки снег или бел спреј за секој ден да гледате снежна бајка.

2. Не се плашете да бидете скулптор на снегот и да направите натпревар за правење снешковци, дури и ако сте возрасни.

3. Изградете куќичка за птици во која ќе може да се напијат вода, да се најадат и да се стоплат.

4. Еден ден посветете на спа третмани и бањање во топол базен или џакузи. Заслужувате.

5. Направете снегулки од хартија и закачете ги во сите соби низ домот.

6. Печете колачиња со цимет и чоколадо, за да замириса цела куќа.

7. Купете си нови термо чорапи со зимски дезен.

8. Научете нов начин како да си го врзувате шалот кој ве топли.

9. Без двоумење нарачајте си го десертот за кој фантазирате, бидејќи и онака во зима ви треба повеќе енергија.

10. Користете го миленикот за да се згреете, наместо топло шише вода.

М. Д. | Црнобело