Како изгледа дом кој не е чистен 13 години?

Добронамерна сосетка решила да ѝ помогне на една постара жена која не го исчистила својот стан повеќе од 13 години.

39-годишната Луси Ашен, мајка на 3 деца, била шокирана кога открила во каква состојба живее нејзината постара сосетка.

Па, решила да потроши речиси 4 денови во чистење на нечистотиите и валканите отпадоци кои се собирале повеќе од една декада во тој дом.

Слабата постара жена, која има и психички проблеми, живее само од нејзината пензија и финансиската помош која ја добива од државата.

Нејзиниот дом не го исчистила повеќе од 13 години.

„Знаев некое време дека живее во лоши услови, но не бев свесна колку навистина е валкан нејзиниот дом. Ми требаше долго време да ја придобијам нејзината доверба за да ми даде можност да влезам во нејзиниот стан и да го исчистам“ - објаснува Ашен.

„Станот изгледаше ужасно. Никој не треба да живее во такви услови.“ - додава.

„Знам дека нема семејство, ниту блиски пријатели кои би можеле да ѝ помогнат, па решив јас да го исчистам нејзиниот дом“ - објаснува.

Оштетените делови од домот како мебелот и облеката, подоцна ги заменила со донации од добронамерни непознати луѓе на Фејсбук.

Добиле различни донации од бела техника и мебел, до облека и прекривки за спиење од различни делови од светот.

„Добивме донации од Тајланд, па се до Америка“ - вели Ашен.

Постарата жена не можела сама ниту да се искапи, па Ашен решила заедно со постарата ќерка да ѝ помогне и да ја искапе.

„Мислам дека е важно да се поттикне свеста дека покрај нас може да се случи да живее некоја постара личност која не е во можност сама да го чисти својот дом и живее во лоши услови. Уште поважно, дека треба некој да им помогне на овие луѓе“ - заклучува.

Н. Г. | Црнобело