Во Италија има фонтана од која тече бесплатно вино
Абруцо е местото кое доколку го посетите ќе можете да уживате 24/7 во бесплатната фонтана од која тече црвено вино.
Оваа посебна фонтана е во сопственост на винаријата „Дора Саркезе“, сместена на патот кој ги поврзува Рим и Ортона.
Фаусто Ди Нела, консултант за вино во винаријата „Дора Саркезе“, објаснува дека проектот првично започнал како партнерство меѓу винаријата и организацијата задолжена за одржување на патот меѓу Рим и Ортона.
Виното кое започнува да тече штом притиснете едно копче е производ добиен од локалните лозови насади од областа Монтепулчано.
Големото буре во кое стои виното постојано се надополнува, а надлежните лица тврдат дека тоа е место каде може да сретнете голем број на вљубеници во вино кои уживаат во дегустацијата, но речиси никој од нив не го злоупотребува фактот дека фонтаната е бесплатна.
Првично замислена како подарок за Сан Томазо (Св. Тома) таа е место за починка на големиот број туристи и аџии кои се упатуваат кон катедралата во која се чуваат неговите мошти.
М. С. | Црнобело