7 практични совети како да им бидете попривлечни на непознатите луѓе

Кога запознаваме некоја нова личност потреби се само 7 секунди за да одлучиме дали таа личност ни се допаѓа или не.

Секако ова важи и за спротивната личност, која создава сопствена слика за нас како личност.

Притисокот да им се допаднете на другите е навистина голем особено ако сте личност која се плаши да се истакне и да го нарави првиот чекор.

Сепак постојат неколку едноставни трикови кои ќе направат луѓето да ве засакаат уште од првиот момент штом ве запознаат.

1. Очите се одраз на личноста

Контактот со очи има универзално значење во секоја земја и за секој народ. Тој е знак на социјална доверба, отвореност и чесност со кој многу лесно ќе му дадете до знаење на некого дека имате позитивно мислење за него.

2. Насмевни се и светот ќе ти возврати со насмевка

Насмевката нека биде тајното оружје со кое ќе ги придобиете луѓето при првата средба. Луѓето ги засакуваат и паметат другите луѓе според начинот на кој тие прават да се чувствуваат. Токму затоа бидете личноста која предизвикува насмевка на луѓето околу вас. 

3. Кажете „Здраво!“ и веќе сте ја освоиле личноста

Наједноставното здраво е одличен начин да се претставите себеси пред луѓето на неформален и опуштен начин. Премногу сериозните изјави понекогаш едноставно занаат да направат да изгледате или премногу нападно или несериозно пред останатите.

4. Нека вашиот став изразува отвореност

Голем број на сигнали можат да бидат забележани за 7 секунди, а затоа покажете ѝ на личноста пред вас дека сте отворени и доверливи. Откопчајте го палтото, седете право, не ги прекрстувате рацете и одржувајте контакт со очите.

5. Суштината се крие во аглите

Покажете ѝ на личноста пред вас дека навистина сте сконцентрирани на неа и на разговорот така што ќе се наведнете одвај забележливо кон неа. Замислете дека таа е единствената личност во просторијата и вашата искреност и отвореност веднаш ќе заблескаат.

6. Бидете позитивни

Позитивноста е заразна и сите ние сакаме да бидеме опкружени со луѓе кои гледаат со оптимизам и насмевка на животот. Токму затоа избегнувајте ги негативните изјави за луѓето да ве паметат вас, а не вашите поплаки.

7. Запаметете дека не сте вие во прашање

Една од грешките која луѓето многу често ја прават кога се нервозни е да зборуваат за себе. Еден од начините да наравите една личност да ве засака е да покажете заинтересираност за неа: поставувајте промислени прашања и внимателно слушајте. 

М. С. | Црнобело