Конечно - добро пролетно расположение!

Сонцето за среќа конечно не израдува. Полека се затоплува и сме подготвени да живееме со полни гради, да се дружиме и да бидеме активни.

 

Сончевите зраци не будат наутро, градот е полн со насмеани лица, на терасите на кафулињата се бара место повеќе.

Во што е тајната на доброто пролетно расположение кое ни дава желба да излеземе од дома, да ја промениме зимската рутина и да бидеме со подобра волја.

“Деновите стануваат подолги и телото впива повеќе светлина поради што кај животните и луѓето доаѓа до хормонални промени во мозокот. Се забрзува метаболизмот и имаме повеќе енергија од обично“ – објаснува невропсихолог од Бон.

Таквата реакција нам ни е вродена. Многу цицачи ја преспиваат зимата, а телата им се наоѓаат во фаза на мирување. На пролет, тие се повторно подготвени за живот со полн здив.

Во мозокот доаѓа и до препознавање на период за барање партнер па така луѓето токму на пролет чувствуваат посебна желба да бидат заљубени, сексуално задоволени и исполнети со љубовна енергија.

Конечно може да излеземе од дома без јакна, да уживаме во пролетната прошетка низ градот, да си седнеме на тераса, да читаме во природа и да уживаме со пријателите на кафе на отворено или пак да возиме велосипеди или ролери.

Зграпчете го денот и уживајте во оваа пролет!