Жената со најскапиот нос вреден 5 милиони фунти

Дајен Кокс може да се пофали дека го има највредниот нос во цела Велика Британија, бидејќи цифрата која ја добива како надоместок токму за него изнесува 5 милиони фунти.

Дајен работи како главен оценувач за кашкавал во една врвна компанија, па токму затоа нејзиниот нос има толкава вредност.

Нејзината работа вклучува мирисање и пробување на еден куп големи коцки од кашкавал со цел оценување која од нив ќе созрее во првокласен чедар.

Нејзиниот нос е толку многу вреден за сопствениците на нејзината фирма што тие го осигуреле за сума од 25 илјади фунти годишно.

„Уште од мала имав навистина изострено чувство за мирис“, објаснува Дајен, „сепак за да го работам ова што го работам морам многу да внимавам на здравствената состојба. Се обидувам да се заштитам од секакви инфекции и какви било други болести кои би можеле да влијаат на моето сетило за мирис или вкус.“

Таа јаде седум пати повеќе кашкавал во текот на годината од она кое би го изел просечен Британец.

М. С. | Црнобело