Науката вели: На жените им треба повеќе одмор, бидејќи мозокот им работи понапорно

Правење на ментални листи, организирање, подготвување појадок, разговарање на телефон, местење на масата... мултитаскингот е неверојатен талент на жените кој речиси секогаш води до стрес и премореност.

Токму затоа, на жените им треба и повеќе сон да се одморат.

Истражувачите од Универзитетот „Loughborough“ од Англија откриваат дека колку повеќе го користите мозокот во текот на денот, толку повеќе време ви треба сон.

Резултатите од истражувањето покажуваат дека женскиот мозок функционира на покомплексни начини, посебно затоа што жените имаат тенденција кон мултитаскинг, па затоа имаат и потреба од повеќе сон.

„Мозокот на жените е покомплексен од мозокот на мажите, затоа спијат повеќе“ - вели професорот Џим Хорн, авторот на истражувањето.

Просечна возрасна личност има потреба од 6 до 8 часа сон за да се одмори од активностите кои ги извршувала во текот на денот. На жените им требаат 20 минути повеќе.

Исто така, откриено е дека недостатокот на сон кај жените има полошо и поголемо влијание на здравјето кај жените, отколку кај мажите.

Води до кардиоваскуларни проблеми, дијабетес, депресија, стрес и анксиозност.

Да заклучиме, 20 минути повеќе и ќе можете секој ден да бидете добро расположени и да продолжите со правење на десетина работи истовремено.

Н. Г. | Црнобело