Правила за среќен живот од авторката на „Јади, Моли се, Уживај“

Секој од нас е во потрага по својата среќа и секој се мачи со едно од најважните животни прашања, каде да ја најде таа среќа?

Авторката на добро познатиот бестселер „Јади, Моли се, Уживај“, Елизабет Гилберт споделува со нас неколку нејзини принципи кои ѝ го прават животот полесен, посреќен и поисполнет.

Правило број 1: Не мора да бидете бестрашни, доволно е да бидете љубопитни

„Не би препорачала да бидете бестрашни. Сум сретнала таков тип на луѓе, или се психопати или 3-годишни деца“ - вели Гилберт. Според неа најважно е да бидеме љубопитни, бидејќи само така, со малку напор можеме да постигнеме многу.

Правило број 2: Станете пријатели со вашите стравови

Сите ние од нешто се плашиме, но потребно е да научиме да бидеме благодарни на тоа. Треба да бидеме свесни дека стравот не одржува живи и нè спречува да направиме нешто заради кое ќе зажалиме подоцна.

Правило број 3: Престанете да барате сигурност

Во светот постојат парадокси, несигурност и нестабилност. А, сè додека сме во потрага по правила кои ќе не држат далеку од нив, нема да бидеме полни со самодоверба, ниту да бидеме сигурни во себе.

Правило број 4: Бидете трпеливи со себе

Не мора многу да се трудите за да бидете среќни. Секој од нас чека знак или некое чудо, нешто драматично и возбудливо, а реалноста е дека среќата е во оние мали, навидум незначајни работи кои секојдневно не смируваат и развеселуваат.

Правило број 5: Не барајте гаранција во животот

Многумина од нас не започнуваат работи сè додека не се комплетно сигурни дека ќе успеат да дојдат до замислениот краен резултат. Но, никој не знае какво патешествие го очекува и не може секогаш да биде сигурен дека ќе успее, а тоа не е причини и воопшто да не се обиде.

Правило број 6: „Одбивањето“ и „предавањето“ не се иста работа

Да се откажете од нешто, тоа значи дека признавате дека не сте заинтересирани за нешто, но тоа не е исто и со тоа да се предадете комплетно на фактот дека сте на крај со вашите сили и да прифатите дека барем во овој момент, нешто не можете да направите. Тогаш сфаќате дека не сте најмоќниот човек на светот и чувствувате олеснување.

Правило број 7: Бидете креатор на сопствениот живот, а не набљудувач

„Уметноста не е секогаш само во талентот. Дури и да не можете да сликате, тоа не значи дека не можете и треба да се плашите да создадете нешто. Никогаш не треба да се плашите да направите нешто, сè додека сте заинтересирани“ - вели Гилберт.

Правило број 8: Пронајдете си ги сродните души

Секој има потреба да се најде меѓу луѓе кои комплетно ќе го разбираат кои ќе се мотивираат едни со други и ќе стануваат подобри личности заедно.

Правило број 9: Поставувајте си ги вистинските прашања

Што сакате да постигнете во вашиот живот? Што најмногу сакате да правите? А, што најмалку? Само вистинските одговори на вистинските прашања ќе ви донесат повеќе среќа во животот.

Правило број 10: Продолжете да живеете и покрај сè

Навистина е штета кога нешто нема да функционира кога нема да успееме во нешто, но тоа не значи дека не треба да продолжиме понатаму да живеете и постојано да се трудиме да станеме подобра личност.

Н. Г. | Црнобело