Зошто треба да ставате жешка вода кога сакате да направите мраз?

Иако ова не ви звучи логично, топлата вода е најбрзиот начин да добиете совршени коцки мраз.

Кога правиме мраз, обично сите ставаме студена вода, по логика дека колку е поладна водата побрзо ќе се стврдне. Но, така чекаме со часови.

Еден студент од Танзанија сега докажа зошто тоа е погрешно, односно зошто би требало да користиме жешка вода во калапите за мраз.

Овој феномен стана познат како  „Мпемба ефект“, откако во 1969-та година неговиот творец Ераст Мпемба забележал дека топлиот и растопен сладолед побрзо се замрзнува од ладниот.

Никој не е во состојба да објасни зошто жешката вода се замрзнува побрзо од ладната, но постојат неколку теории.

Едни тврдат дека жешката вода побрзо испарува, па со самото тоа што количината и се намалува, побрзо настанува мразот.

Според друга теорија, кога се користи ладна вода на површината на течноста се создава слој кој има улога на изолатор, па затоа водата побавно се замрзнува.

Затоа, следен пат кога ќе сакате да разладите некој пијалак, ставете жешка вода во калапот за мраз.

М. Д. | Црнобело