Со откажување од Фејсбук ќе се ослободите од стресот и ќе бидете посреќни

Социјалните мрежи знаат да направат да се чувствуваме како да немаме никаква приватност, бидејќи речиси секој аспект од нашиот живот го споделуваме со остатокот од светот.

Но, каков е ефектот на социјалните мрежи над нашите ментално здравје и добросостојба? Дали овие страни прават да се чувствуваме депресивни?

Истражувачите од Институтот за истражување на среќата во Копенхаген решиле да откријат.

Оформиле група од 1.095 Фејсбук корисници и ги поделиле во две групи. Првата група и понатаму продолжиле со употреба на Фејсбук, додека другата група, морале веднаш да се откажат од оваа социјална мрежа.

Резултатите покажуваат дека само по една седмица, 88% од групата која престанала да го користи Фејсбук, биле посреќни, наспроти останатите 81% кои сè уште ја употребувале интернет страната.

Исто така, изјавиле дека биле помалку гневни, депресивни и наместо тоа, биле полни со ентузијазам, решителност и општо задоволство од животот.

„Луѓето кои користат Фејсбук имаат 39% поголема шанса да бидат помалку среќни од оние кои воопшто не ја користат оваа социјална мрежа“ - се открива во истражувањето.

Понатаму, открива дека имаме тенденција да се фокусираме на тоа што другите имаат, да бидеме љубоморни на тоа колку другите се среќни на Фејсбук или успешни.

Н. Г. | Црнобело