16-годишна девојка со простетска нога вежба гимнастика - Кој е вашиот изговор зошто не ги следите соништата?
16-годишната Кејт Фостер како и секое друго девојче, облечена во боди ги покажува своите вештини пред судиите на еден натпревар во Илиноис, но одеднаш ја открива нејзината лева нога и сфаќате зошто е толку посебна.
Тинејџерката ги покажува своите вештини на песната „Defying Gravity“ која не како да е наменета само за овој спорт, туку и за неа посебно, простетската нога не ја обесхрабрила и не ја натерала да се откаже од својата страст.
Извртување нанапред, извртување наназад и сето тоа како воопшто да не ѝ претставува пречка металната нога - вистинска инспирација за многу млади девојки. Завршува со својата точка и ги дига рацете високо горе во знак на поздрав кон судиите, а за возврат добива уште поголемо ракоплескање.
Видеото кое нејзиниот горд татко го објавил на својот Фејсбук профил стана вирална сензација по само неколку дена со над 4 милиони прегледи со причина. Тинејџерката се превртува околу даската како да ја нема простетската нога.
Kate's beam routine at the 2016 Bravo Classic.
Но, која е инспиративната приказна која се крие зад ова девојче?
Пред да ја изгуби ногата, во 2011-та година, таа тренирала околу 20 часа неделно. Нејзините родители откриле дека има леукемија и веднаш започнале со хемотерапија и трансплантација на коска. Но, пред да се случи втората операција, на едната нога добила инфекција од која морала да биде ампутирана.
Кога открила дека ќе мора да добие ампутација, таа одбивала. „Ми требаат две нозе за гимнастика“ - ги молела докторите кои на крајот ја убедиле дека мора да се отстрани ногата за да продолжи со операциите и да си го спаси животот.
Утрото откако ногата ѝ била ампутирана, дошла нејзината тренерка и ѝ кажала: „Никогаш не сум тренирала некој со една нога, но подготвена сум тоа да го направам за тебе“.
Предизвиците не запреле тука, но оваа млада девојка е доказ дека никогаш не треба да се откажувате од соништата.
Н. Г. | Црнобело
Би можело да ве интересира:
