Среќни сте ако имате една личност покрај себе...

Добро знаеме дека постојат негативци кои успеваат да ни ја исцрпат целата енергија, но постојат и сосема спротивни луѓе, оние пред кои никој не останува рамнодушен.

Постојат луѓе кои како да се создадени од некаков елемент на смеа и игра, како да се дојдени од некој подобар свет и постојат како добри „гости“ во нашиот.

Луѓе кои шират радост. Едноставно, спонтано. Каде и да се појават - се појавува и сонцето.

Кога ќе си заминат во нашата душа сè уште одекнува нивната насмевка и нивната радост бара свој дом во нашето срце.

Такви се што покрај нив никој не останува рамнодушен.

Како возрасни се сериозни, но истовремено знаат и да се однесуваат како деца. Во својата радост пронаоѓаат сила. Како за себе, така и за другите.

Проблемите и грижите не оставаат трага на нивното лице. Ведрината е нивното животно мото.

Неретко посакуваме да бидеме како нив. Или барем да им бидеме добри пријатели. За што е можно почесто да можеме да се напојуваме од изворите на нивната безгрижност.

А, тие се секогаш воодушевени...

Со секого, од секого, од звуците, боите, ветрот, брановите, топлите есенски бои, пастелните пролетни бои, добрата книга, новата средба...

Или воодушевувањето ја раѓа радоста или нивната внатрешна ведрина воодушевува.

Како да се натпреваруваат радоста и воодушевувањето - кој побрзо ќе дојде до збор.

А, ние можеме само да бидеме благодарни што имаме таква личност во животот.

Н. Г. | Црнобело