100 дронови „танцуваат“ во ритамот на „Петта симфонија“ на Бетовен
Жителите на Хамбург имаале можност да бидат сведоци на еден несекојдневен аудио-визуелен спектакл во кој главни учесници биле 100 дронови.
Следејќи ја музиката на оркестарот дроновите „танцуваат“ и создаваат 3Д форми и пораки со цел поставување на нов Гинисов рекорд.
Главниот творец на идејата, Хорст Хоертер, директор на компанијата „Futurelab“, заедно со неговиот тим од 15 луѓе користи еден интересен термин за дроновите нарекувајќи ги „spaxels“, изведенка од зборовите „space pixels“.
„Сакав да покажеме дека дроновите може да се искористат засоздавање убавина и општествено значајни искуства“ – објаснува тој.
100 дронови беа контролирани од четири пилоти, односно по 25 за секој, започнувајќи го својот лет од фудбалскиот стадион во Хамбург.
Компјутерскиот софтвер изработен од страна на инженерите е всушност главната алатка во „танцот“ на дроновите. Овој софтвер ги одредува патеките на движење кои дроновите ги следат, вкучувањето и исклучувањето на светилките и најважно од сè синхронизираното движење со музиката која ја свири оркестарот.
М. С. | Црнобело