Рецитал на малечко момче кое го наежи светот: Жалам што „честа“ е заборавен збор...

Ова е малечкиот Евгениј Лебедин од Украина. Тој со своето рецитирање на песната „Не ми се допаѓа“ на рускиот поет, пејач, писател и актер Владимир Висоцки ќе ве натера да се запрашате што се случи во светот во кој живееме.

Синоокиот Евгениј настапил во украинското талент шоу „Мали џинови“ и уште од првиот настап било сосема јасно дека пред него стои светла кариера.

Неговата интонација, изговор и изрази ги трогнале не само жирито и публиката во салата туку и милиони луѓе низ светот, бидејќи за кратко време видеото стана едно од најсподелуваните видеа на социјалните мрежи.

Песната која ја рецитира талентираниот Евгениј е препеана и на македонски јазик и ова се нејзините стихови:

Не ми се допаѓа

Не ми се допаѓа фатален исход,
И нема да се изморам додека сум жив
Не ми се допаѓа ниедно годишно време
Кога не ги пејам своите песни.

Не ми се допаѓа отворениот цинизам
Јас не верувам во занес, и уште 
Не ми се допаѓа кога некој ми чита писма
Гледајќи преку моите рамења.

Не ми се допаѓа ништо половично,
Или кога некој го крши зборот.
Не ми се допаѓа кога пукаат во грб
Или од непосредна близина.

Ја мразам „верзијата на настаните“
И црвот на сомнежот, и смрдеата на славата,
И кога намерно се оди против правилата,
Или ненамерно се гази по стакло.

Не ми се допаѓа арогантната самодоверба
Повеќе од тоа да ти откажат сопирачките.
Жалам што „честа“ е заборавен збор,
И што се ценат озборувањата позади грб.

Кога ќе здогледам скршено крило,
Тогаш не сум тажен, а не е ни чудо:
Не ми се допаѓа насилство ниту слабост,
Јас само жалам за распнатиот Христос.

Не се сакам себеси кога сум кукавица,
И не можам да издржам кога тепаат невини.
Не ми се допаѓа кога ти влегуваат во душата,
А уште помалку кога во неа плукаат.

Јас не сакам дури ни циркуски арени
Каде милионот се менува за рубља,
Иако пред нас се големи промени,
Јас тоа никогаш нема да го сакам!

М. С. | Црнобело