Приватен авион само за вас: Како изгледа да сте единствен патник на летот?

Алекс Сајмон воопшто не морал да се грижи за досадните луѓе кои би седнале до него, бебињата кои ќе плачат или недостатокот од простор за време на неговиот лет кон еден идиличен остров, едноставно бидејќи го имал на располагање целиот авион.

28-годишниот Сајмон практично имал сопствен авион, бидејќи бил единствениот патник на кој се појавил за летот од компанијата „Philippine Airlines“, на релацијата Манила-Боракај.

Сајмон кој поседува блог посветен на патувања останал целосно зачуден кога забележал дека никој друг не се качува во авионот, останувајќи сам со двете стјуардеси и двата пилоти.

Целата оваа ситуација му дала шанса да влезе дури и во пилотската кабина и да позборува со пилотите пред самото полетување. Стјуардесите исто така се забавувале на сметка на невообичаената ситуација, снимајќи го Сајмон како седи на седиштето додека авионот полетува.

„Само што стигнав на аеродромот кога слушав како го кажуваат моето име со напомена да се обратам до шалтерот за информации“ – објаснува тој, „жената која работеше таму ми објасни дека нема да морам да чекам уште два часа за летот и дека истиот ќе биде за 30 минути бидејќи јас бев единствениот патник.“

„Вистината е дека бев малку изненаден и не можев да поверувам. Мислев дека сонувам. Влегов во авионот и седнав на моето место, а потоа ја прашав стјуардесата дали може да седнам на седиштето до прозорецот“ – додава тој, „а нејзиниот одговор гласеше дека може да седнам каде сакам бидејќи во авионот нема да има никој друг.“

М. С. | Црнобело