Мала сезнајка: 3-годишно девојче кое на памет го знае целиот Периоден систем (видео)

Се сеќавате колку тешко ни беше да запомниме која буква од латиницата одговара со вистинското име на секој од елементите од Периодниот систем, а камо ли да ги запомниме сите нивни својства и тоа некаде во основно одделение на тринаесет години?

Епа замислете тоа да треба да го правите на три години и тоа без грешка.

Малата Бриел од Калифорнија иако има само три години, веќе е експерт кога станува збор за елементите на Периодниот систем.

Таа ги знае сите елементи и тоа не оние најлесните како што се кислород и водород, туку сложените елементи како што се стронциум, фосфор, тантал и сите нивни најважни својства.

За да биде приказната уште повеќе фасцинантна, таа не знае да чита, а кога ја прашуваат како ги памети овие работи кои ни возрасните не можат да ги запаметат, таа одговара дека нејзиниот мал мозок едноставно ги памети сите тие работи.

Освен знаењето за елементите на Периодниот систем, малата сезнајка се пофали дека ги знае и сите претседатели на САД како и сите држави на Европа и Африка и нивните главни градови.

Нејзината појава е толку маркантна што дури и самата Елен ДеЏенерис  кажа дека ја прави да се чувствува непријатно, бидејќи малата Бриел знае доста работи кои дури ни луѓето кои одат во училиште не би ги знаеле.

Кој би рекол дека позади такво слатко девојче се крие толку голем мозок:

Н. Буџак | Црнобело