9 фрази кои не треба да ги кажете никому

Доколку сакате да одржувате добри врски со луѓето треба да размислувате за она што го кажувате.

Нешто што се чини ненавредливо за некого, може да биде навредливо за некој друг.

Овие 9 работи никогаш не треба да ги кажете на некого:

1. „Тоа не е моја работа“, „Јас не сум платен да го работам тоа“

Овие се најчестите изговори кога некој не сака да работи. Во 99% од случаите оваа фраза ќе го иритира вашиот надреден, а може и да му покаже дека сте рамнодушни за вашата работа.

Подобро е да кажете, „Имам многу работа денес, што да направам прво?“.

2. „Немам време да зборувам, зафатен сум“

Такви одговори укажуваат на лошо воспитување. Би било многу подобро да кажете нешто како ова: „Жал ми е, но имам итен состанок. Ајде да се чуеме друг ден и да разговараме“.

3. „Ова можеби ќе звучи глупаво, но...“

Оваа фраза ја доведува во прашање точноста на она што сакате да го кажете.

4. „Без навреда, но...“

Оваа фраза звучи како предупредување дека следното нешто што ќе го кажете ќе биде непријатно.

5. „Се здебели“, „Ослабе“

Тежината или физичкиот изглед може да биде чувствителна тема за многумина. На луѓето често им е тешко да ги прифатат промените кои се случуваат со нивното телото.

Дури и кога овие коментари се наменети како шега или комплимент, тие можат да го расипат расположението и да создадат конфликт. Многу подобро е само да кажете: „Изгледаш одлично!“.

6. „Изгледаш одлично за твојата возраст“

Оваа фраза едноставно служи како потсетник за возраста на лицето. Повторно, подобро е само да се каже: „Изгледаш одлично“.

7. „Ова е типично за тебе“

Обидете се да не „лепите“ етикети на луѓето. Наместо да користите фрази кои можат да предизвикаат конфликт, кажете нешто како: „Ме иритира што повторно ги остави садовите во мијалникот“.

8. „Ако навистина ме сакаш ќе...“

Со ова фраза емотивно се манипулира со некого, што тешко ќе придонесе за создавање на силна врска. Подобро е да кажете: „Би се чувствувал подобро кога би...“.

Најдобар начин да се зачува конструктивен однос е да објасните зошто сте вознемирени, а потоа да понудите решение.

9. „Премногу си добра за него“

Дури и кога само сакате да утешите некого, откако ќе раскине со партнерот, тој или таа може да ја толкува оваа фраза како лична навреда за нивниот вкус. Наместо тоа кажете: „Нивна загуба“.

М. А. | Црнобело