10 јапонски навики кои се неразбирливи за остатокот од светот: Сосема е нормално некој да ви заспие на рамо

Секоја нација има свои навики кои претставуваат своевиден белег за луѓето и на тој начин ги издвојуваат од другите. Понекогаш тие навики се толку чудни што на моменти ни изгледаат сосема бесмислени и несфатливи.

Јапонците се едни од народите кои изобилуваат со навики кои на остатокот од светот му изгледаат чудни и, на моменти, дури и смешни.

Ова се 10 навики кои европејците ги сметаат за апсолутно неразбирливи:

1. Бројот 4 се смета за несреќен бидејќи зборот за истиот е многу сличен на зборот смрт.

2. Јадењето додека се движите се смета за крајно невкусно.

3. Постои лице кое е задолжено да ги турне патниците во преполниот воз при најголемата гужва со цел да спречи некој да биде смачкан од вратите.

4. Од вас се очекува да ги соблечете чевлите пред да влезете во ресторан, нечиј дом, музеј или храм.

5. Таканаречените хотелски капсули се пристојно место за престој на бизнисмените кои ја посетуваат Јапонија на неколку дена.

6. Сосема е нормално некој да заспие потпирајќи се на вашето рамо додека се враќате дома после долгиот работен ден.

7. Оставањето бакшиш е нешто кое никогаш нема да го видите во Јапонија. Наместо тоа од вас се очекува да оставите некој мал подарок.

8. Доколку престојувате во нечија куќа, се очекува да донесете подарок за домаќинот.

9. Никогаш не дополнувајте пијалак во сопствената чаша. Тоа треба да го направи некој друг за вас.

10. Во јапонските училишта нема хигиеничари. Наместо тоа децата во одреден дел од денот ги чистат своите училници како би се научиле да одржуваат хигиена.

М.С. | Црнобело