Која е разликата: Снаодливи vs. грижливи жени

Постојат повеќе видови на жени и женски карактери, но сите може да се поделат на два типа - грижливи и снаодливи.

Не дека снаодливите не се грижат, туку едноставно знаат како да ги рашират крилјата и да се препуштат. За разлика од нив, грижливите постојано живеат со некоја доза на страв.

Во кој тип спаѓате вие?

Кога мажот ќе погреши, грижливата жена веднаш му вели „гледаш, ти реков.“ Снаодливата жена премолчува, пробува да го расположи, а понекогаш знае и да се направи како ништо важно да не се случило.

Грижливата жена ја презема контролата во секоја кризна ситуација и му диктира на мажот како да ги направи работите. Снаодливата жена само суптилно го насочува, па се повлекува.

Грижливата жена секогаш ги учи децата затоа што верува дека без неа нема да постигнат успех во животот. Снаодливата жена знае дека нејзиното дете е единствено и поинакво и без страв го поттикнува да го прави она што го сака.

Грижливата жена се обидува да биде подобра од сите во работата и никогаш да не направи грешка. Снаодливата жена се труди да создаде средина во која ќе си помага со колегите.

Грижливата жена ги надгледува своите деца дури и кога ќе пораснат, им дава совети дури и кога не ги бараат и им кажува како правилно да ги воспитаат своите деца. Снаодливата жена им дозволува на децата да стекнат сопствени искуства.

Грижливата жена не дозволува другите да и кажуваат што да прави, не сака да зависи од родителите и се буни кога и делат совети. Снаодливата жена слуша кој што има да каже. А, потоа го прави она што таа смета дека е најправилно.

Грижливата жена се обидува да го промени светот и секој човек околу себе. Снаодливата жена се труди да се прилагоди себеси, а другите ги прифаќа онакви какви што се.

Грижливата жена мисли дека можеш да бидеш среќен само ако си во право. Снаодливата жена знае дека си во право само кога си среќен.