„Snooze“ или да станете? Со пријателите или дома? Како да станете одлучни

Многумина од нас уште при самото будење мораат да донесат некаква одлука – да станете одма или да го притиснете копчето „snooze“ уште еднаш? Кошула или маица? Кафе или чај? Јајца или леб?

Овие прашања се прилично едноставни при донесувањето на одлуката, но постојат и далеку потешки и посериозни прашања.

Да останете во врска или да ја прекинете? Да го прифатите новото работно место или не? Да се преселите сами да живеете или не?

Понатаму доаѓаат и оние вечерните одлуки по работниот ден – кафе со пријателите или вечера дома? Што за вечера?

Некои луѓе многу едноставно ги донесуваат овие одлуки без чувство дека прават некаков избор, а некои пак се секогаш неодлучни.

Како да се ослободите од „маките“ и полесно да дојдете до решение?

Едноставност

Повеќе избори – потешко ќе дојдете до одлука, па добро е постојано да се обидувате да го поедноставите изборот.

Ако гардероберот ви е преполн со облека, мала е веројатноста дека многу бргу ќе одлучите што да облечете. Токму затоа, најдобро е да се ослободите од вишокот и да ги зачувате оние работи кои знаете дека најчесто ги носите и кои нема да ви задаваат проблеми при одлучувањето.

Елиминирајте го изборот

Стив Џобс секогаш носи црна маица и фармерки, а Барак Обама сив или син костим. Ако се ослободите од малите избори и одлуки, многу поедноставно ќе можете да се соочите со тешките и полесно ќе донесувате значајни одлуки.

Верувајте на сопствениот инстинкт

Колку пати во животот ви се случило првобитно да дојдете до некаква одлука, а потоа повторно да се мислите за некоја работа? Верувајте му на сопствениот инстинкт и така полесно ќе донесувате одлуки.