Разгалете се...

Денешниов ден и секој нареден користете го за нежност, за убави нешта, за разгалување.

Разгалете се себеси, вашиот партнер, вашите најмили...

Започнете го денот со кафе по ваша идеална мерка.

Изненадете го партнерот со колачиња кои сами сте ги испекле додека го пиете првото кафе.

Или оставете му порака полна нежност до неговата шолја. Нека денот ви започне слатко.

Што велите за тоа да го искористите денот за да го приготвите вашето омилено јадење?

Повикајте ги вашите најблиски на ручек и направете да ги да се чувствуваат како да се во најексклузивниот ресторан.

Растерајте го сивилото од вашиот дом. Од најблиската цвеќарница , купете свежо цвеќе и ставете го на масата, во убава вазна.

Нека вашиот дом биде весел, шарен, топол.

Тргнете го и сивилото од вашето лице, ставете си црвен кармин, насмевнете се и освојте го денот .

Прошетајте по продавниците и дозволете си топла, пријатна постелнина за студените есенски вечери. Или оние црвени чевлички во кои се вљубивте на прв поглед. Или пак волнен џемпер за зимата која ни е во пресрет.

 Прошетајте го вашето милениче. Трошете калории во парковите, дишете со цело ваше јас.

Прочитајте ја уште еднаш вашата омилена книга или изгледајте добар филм на кино.

Разгалувајте се, никој тоа нема да го направи подобро од самите вие!

Автор: М.К. | Црнобело