Кој цртка - подобро памети

Истражувањето на еден психолог од Универзитетот Плимут открива дека несвесното и брзопотезно цртање на драсканици може да влијае на подобрување на активноста на вашиот ум, посебно на вашата меморија.

Колку пати сте се фатиле себеси како несвесно цртате по тетратките додека со нетрпение чекате да заврши некоја досадна активност или некоја непријатна ситуација?

Психолозите велат дека овие цртежи се плод на спонтаната и импулсивна работа на мозокот и ни помагаат да ги намалиме тензијата и внатрешниот немир. Од друга страна, се покажува дека оваа активност ја подобрува и способноста за паметење за дури 30%.

Покрај тоа, овие цртежи може да ви помогнат да се сфатите себеси, а и да си го сфатите расположението.

Така на пример, фигурите изразуваат потреба за преиспитување на ставовите и односите со луѓето околу вас.

Цртите кои се повторуваат прикажуваат желба за духовен раст, а декоративните рамки потреба за прецизност и јасност во животот.

Геометриските фигури ви покажуваат дека посакувате да ја откриете суштината на работите.

Буквата О покажува дека сакате да пополните некаква празнина во вашиот живот.