Камења кои сами се движат

Необични фотографии на кои се гледа како камењата се "лизгаат" по пустината, ги заинтригира научниците низ целиот свет. Во најголемата тишина...

 

...на температура од 50 Целзиусови степени во калифорниската Долина на смртта, камењата се движат полека и без ничија помош.

Камењата, кои се потешки и од преку 100 килограми, годишно "минуваат" близу 350 метри. Научниците веруваат дека овој феномен е предизвикан од временските состојби.

Имено, ветровите кои достигнуваат брзина и до 145 км/ч, ледот кој во текот на ноќта се формира на површината на песокот и тенките слоеви на мокра глина се факторите кои им овозможуваат на камењата да "лизгаат" низ пустината.

Фотографиите ги направи фотографот Mike Byrne, кој поминал речиси една година во пустината за да го сними ова несекојдневно движење на камењата.

"Камењата кои се движат низ пустинскиот песок се навистина магични. Овој феномен ги фасцинира луѓето низ светот, но со оглед на предупредувањата за климата и можноста за пораст на температурите, многу лесно може да дојде до исчезнување на овој феномен", изјавил фотографот Мајк за Дејли Мејл.

Поради што и на кој начин доаѓа до движење на камењата низ пустината, се обидоа да објаснат голем број на научници. Се верува дека движењето на камењата го предизвикува лед кој се формира на површината на песокот во комбинација со силните ветришта.