Секој има 7 двојници: Оваа девојка ја запознава втората двојничка, а планира да ги пронајде сите

Пред повеќе од една година тројца пријатели ја започнаа потрагата по своите двојници. По првиот облог за тоа кој ќе го пронајде лицето кое најмногу личи, Ниам победила и ја запознала својата прва двојничка.

Видеото добива неверојатни 7 милиони прегледи што е прилично интересно и речиси магично затоа што, се вели дека бројот 7 е бројот на идентични лица на вас кои постојат во светот. 

По првиот успех Ниам продолжила со потрагата и ја пронашла нејзината втора двојничка Луиза. 

Долетала до Италијанската ривиера и најнапред го запознала пријателот на нејзината двојничка, а потоа и нејзината мајка. И двајцата биле неверојатно изненадени од нејзиниот изглед и движења.

„Аурата околу тебе е многу слична со на мојата пријателка“ - заклучил Андреа пријателот на Луиза.

Следно било запознавањето на нејзината двојничка. Откако имале време да се видат и да поразговараат започнале со подготовка на видеото. Употребиле шминка и контактни леќи за навистина да го доловат изгледот и крајниот производ е неверојатен.

Проектот продолжува и Ниам ги бара преостанатите 5 двојнички, а постои и Фејсбук профил за сите оние кои сакаат да ги пронајдат своите двојници.