3 Трикови кои ќе ви помогнат да го надвладеете стравот

Сите се плашиме од нешто. Тоа може да е летање со авион, страв од темнина, од инсекти и така натаму. За среќа, постојат трикови кои ќе ви помогнат да го надвладеете и победите секој страв.

Храбри се оние луѓе кои успеваат да ги победат стравовите, а не оние кои не се плашат од ништо.

Затоа, соберете сили и спротивставете му се на вашиот најголем страв:

Трик број 1: Соочете се со стравот

Првата работа која треба да ја направите е да се приспособите на емоциите и неудобноста со која се соочувате. Бидете едно со вашиот страв. Запрете за миг, вдишете длабоко и колку и да ви е непријатно, сепак не се откажувајте.

Трик број 2: Што е најлошото што може да се случи?

Замислете ја најлошата работа која може да се случи, а е поврзана со вашиот страв. На пример, ако се плашите од летање со авион, тогаш замислете го најлошото сценарио, односно смртта. Откако ќе се соочите со тоа сценарио, тогаш и стравот повеќе нема да се држи до вас.

Трик број 3: Ставете му крај на ирационалниот страв

Се плашите дека нема да им се допаднете на луѓето? Никој не е совршен. Се плашите да летате со авион? Тоа е најбезбедниот транспорт кој ви стои на располагање. Страв ви е од темни улички? Само потсетете се дали навистина има толку голем криминал во вашиот град. Погледнете во вашите стравови, дали тие се логични?