Гаранција за долг живот

Додека образованието кај мажите не игра важна улога, образованието кај жените е пресудно за долг живот на двајцата партнери. Новото истражување...

 

... спроведено во Шведска покажало дека образованието, животниот стил и долгорочното здравје се тесно поврзани.

Истражувачите во училиштата во Стохлом по основ на долгогодишни истражувања дошле до едноставна формула која осигурува долг живот, а тоа е врска помеѓу образована жена и богат маж.

Студијата која е објавена во весникот Epidemiology and Community Health траела полни 13 години и опфатила околу 1,5 милиони луѓе на возраст од 30 до 59 години.

По обработката на сите податоци, истражувачите дошле до многу интересни информации. Така се докажало дека мажите при избирањето на партнерката, освен физичкиот изглед се фокусираат и на нејзината интелегенција и степенот на образование.

Интересно е тоа што образованието на мажите не е важно ниту за мажите, ниту за жените. Кај нив, важна е висока банкарска сметка, што може да се постигне и без високо образование.

Но, образованието кај поубавата половина е многу важно. На мажите дури 25% може да им се продолжи животот ако нивната партнерка има завшено факултет.

И за самите жени образованието е многу важно. Помалку образованите жени имаат 50% поголеми можности да умрат порано од повеќе образованите жени.

Стручњаците кажуваат дека тоа е така, поради тоа што повеќето интелектуални жени можат повеќе да се информираат за здравиот живот и за начините за лекување. Тоа го продолжува не само нивниот живот, туку и животот на нивниот партнер.

Колку повеќе се зголемува богатството на мажот, толку подобро жената ќе управува со парите.