Понеделник не е најомразен

Првиот работен ден во неделата не е повеќе најомразениот, поради тоа што се' повеќе луѓе кажуваат дека во вторник се чуствуваат многу полошо.

 

Понеделник  не е повеќе најлошиот ден во неделата, затоа што луѓето тврдат дека најголемиот стрес на работа го имаат во вторник околу пладне - тоа биле резултатите од истражувањето направено помеѓу вработените во Британија.

Исражувањето спроведено помеѓу 3000 вработени лица покажало дека најголем број од нив во понеделник се обидуваат “да го стават мозокот во работна брзина” и дека ги прераскажуваат трачевите кој што се случиле за време на викендот.

Вторник, 11:45 се чини дека е најтешкиот момент во работната недела, кога вработените за прв пат ќе го почуствуваат работниот притисок кој стои над нив.

Околу 55 % од испитаниците признале дека понеделник за нив е лесен ден, а секој 10-ти признал дека во понеделник ја запоставува работата за да може на Фејсбук да ги прегледа фотографиите од поминатиот викенд.

Речиси секој 5-ти вработен во вторник си заминува покасно од работа како би го надокнадил проуштеното од понеделникот.

Повеќе од половината британци редовно чуствуваат стрес на работа, додека пак 1/4  чуствуваат стрес секој работен ден, а исто толку испитаници како причина за тоа ја наведуваат тешката работа. Секој 5-ти вработен смета дека стресот е дел од секоја работа и го прифаќа како таков.

Околу 12% од испитаниците кажале дека непријатната атмосфера на работа ја прави шефот, а само 9% ги обвинуваат своите колеги.